וויאזױ אפצונעמען א פרייז
געװאנדן לױט דעם, ווי גרױס דײן פרייז איז, זענען פאראן עטליכע אופנים אפצונעמען דיין געווינס. כדי אפצונעמען דיין פרייז, וועסטו דארפן די אריגינעלע טיקעט. כדי זיך צו באשיצן, שרײב אונטער די אנדערע זײט פון דיין געװינענדע טיקעט און היט עס אפ ווייל עס איז א דאקומענט װאס בארעכטיגט דיך צו אײגנטום רעכטן.
געװינענדע ארױסציאונג שפיל טיקעטס גײען אױס איין יאר זינט די דאטום פון די ארױסציאונג.
געװינענדע Scratch-Off טיקעט אױסגײן אינפארמאציע קען מען טרעפן אין די שפיל באריכט PDF אויף די Scratch-Off שפילן בלאט.
אויב דיין פרײז באטרעפט ביז צו $600:
אפציעס
- נעם עס אפ בײ סײ װעלכע ליצענזירטע ניו יארק לאטערי געשעפט
- מאך אן אפוינטמענט בײ סײ װעלכע פון די לאטערי'ס קאסטומער סערוויס צענטערס
- שיק עס אין די פאסט צו די לאטערי
אויב דיין פרייז באטרעפט $601 אדער העכער:
אפציעס
- מאך אן אפוינטמענט און נעם אפ דײן פרײז בײ סײ װעלכע פון די לאטערי'ס קאסטומער סערוויס צענטערס. מען דארף מאכן אן אפוינטמענט כדי אפצונעמען די פרייז.
- באקום בײ אן ארטיגע פרייז קלעים צענטער. מען דארף נישט מאכן קײן אפוינטמענט כדי אפצונעמען די פרייז.
- שיק עס אין די פאסט צו די לאטערי
וואס דו דארפסט
צו באקומען דיין פרייז, װעסטו דארפן צוצושטעלן
- דיין געװינענדע טיקעט
- אן אױסגעפילטע געװינער קלעים פארעם
- א גילטיגע ID װאס איז ארױסגעגעבן געװארן דורך די גאװערנמענט
- א גילטיגע סאושאל סעקיוריטי נומער אדער FEIN
אויב דו ווילסט אפנעמען דיין פרייז אין א לאטערי קאסטומער סערוויס צענטער, מוזסטו מאכן אן אפוינטמענט. מיר קענען אצינד נישט סערװירן מענטשן אן קײן אפױנטמענט.
אויב דיין פרייז באטרעפט $600 און װײניגער, וועסטו דארפן אױספילן שריט 1 ביז 11 אויף די געװינער קלעים פארעם, א יעצטיגע און גילטיגע ID װאס איז ארױסגעגעבן געװארן דורך די גאװערנמענט, און דיין געװינענדע טיקעט.
אקצעפטירבארע פארמען פון פאטא אידענטיפיקאציע שליסן אײן:
- US/אױסלענדישע פאספארט
- דרייווער לײסענס אדער ניט-דרייווער ID
- דרייווער לערנדער ערלויבעניש
- גאװערנמענט ID
- סערטיפיקאט פון נאטוראליזאציע
- סערטיפיקאט פון בירגערשאפט
- פערמאנענטע רעזידענט קארטל (גרין קארד)
- געבורט סערטיפיקאט און עפעס א פאטא ID מיט נאמען
- US מיליטער ID
- מיט די פארמען פון ID מוז מען צײגן א סאושאל סעקיוריטי קארטל אדער פעדעראלע שטײערצאלער ID סערטיפיקאציע.
- ניו יארק סיטי ID
- ניו יארק סטעיט בענעפיט ID קארטל
- MTA רעדוצירטע רײזע מעטראקארד
אויב דיין פרייז איז $601 אדער העכער, װעסטו דארפן אױספילן די גאנצע געװינער קלעים פארעם (אריינגערעכנט דיין סאושאל סעקיוריטי נומער, TIN אדער FEIN), א יעצטיגע און גילטיגע גאװערנעמנט־ארױסגעגעבענע ID, און דיין געװינענדע טיקעט.
דיין קלעים וועט פראצעסירט װערן אויפ'ן ארט סײדן דיין פרייז איז א דזשעקפאט געווינס, א מעגא מיליאנס פרייז העכער פון $500,000, אדער א פאוערבאל פרייז פון $50,000 און העכער. די קליימס וועלן צוגעשטעלט װערן צו די לאטערי'ס שענעקטעדי אפיס פראצעסירט צו װערן.
מאך א קאפיע פון דיין געװינער קלעים פארעם און די געװינענדע טיקעט און היט זײ אפ ביז דו באקומסט דיין פרייז.
די לאטערי קאסטומער סערוויס צענטערס זענען אפן בלויז מיט אן אפוינטמענט, מען דארף נישט קיין אפוינטמענט אין קאזינאס. מען מוז זיין 21+ אפצונעמען אין קאזינאס. מען קען קעשן בלויז 30 טיקיטס פער אפוינטמענט בײ לאטערי קאסטומער סערוויס צענטערס. שפילערס קענען איבערלאזן מערערע טיקיסט פראצעסירט צו װערן.
Key
Customer Service Center
Prize Claims Center
*View Claim Center details: Hover over pins for info, click to keep modal open
*Only counties with active claim centers listed.
געװינענדע טיקיטס פאר אלע סומעס קען מען שיקן צום אדרעס אונטן. אויב דיין פרייז באטרעפט $601 און העכער, פיל אױס די אנדערע זײט פון דעם טיקעט און לײג צו אן אױסגעפילטע געװינער קלעים פארעם. מאך א קאפיע פון בײדע זײטן פון דיין טיקעט, ווי אױך די אױסגעפילטע געװינער קלעים פארעם. מיר רעקאמענדירן אז דו זאלסט נוצן רעגיסטרירטע מעיל כדי נאכצוקוקן דיין מעילינג. ביטע מאך זיכער איינצושליסן דײן אדרעס:
o:p> /o:p>
New York Lottery
PO Box 7533
Schenectady, NY 12301-7533
געדענק! Draw שפיל פרייזעס מוזן אפגענומען װערן נישט שפעטער װי אײן יאר זינט די ארױסציאונג דאטום. Scratch-Off שפיל פרייזעס מוזן אפגענומען װערן נישט שפעטער װי אײן יאר זינט די געמאלדענע ענדע פון די שפיל. טרעף דיין שפיל'ס באזונדערע בלאט דא צו זען אויב א קעש דעדלײן איז געמאלדן געװארן. אויב דו זעסט נישט אז די שפיל איז געליסטעט געװארן, איז מעגליך אז זײן קעש דעדלײן איז שױן אריבער.
o:p> /o:p>
וויכטיג: אנגעפאנגען פונעם 4טן אפריל, 2023: סײ װעלכע וואַוטשערס פון ווידעא לאטערי פאסיליטיס מוזן פערזענליך אדער דורך יו. עס. פאסט געקעשט װערן בײ די פאסיליטי וואו דער וואַוטשער איז ארויסגעגעבן געװארן. אזעלכע וואַוטשערס קענען געקעשט װערן ביז צו איין יאר זינט די דאטום פון ארויסגעבן. וואַוטשערס קענען מער נישט אפגענומען װערן אין קײן לאטערי קלעים צענטערן (אחוץ די װאס זענען ארויסגעגעבן געװארן פריער פונעם 4טן אפריל און זענען עלטער ווי 45 טעג).
Scratch-Off שפילן - אײניגע Scratch-Off שפילן טוען בלויז אנבאטן די דזשעקפאט פרייז ווי אן איינמאליגע צאלונג, אבער פון מאי 1, 2013, קען א נײע Scratch-Off שפיל עניואיטי דזשעקפאט אפנעמער אױסװעלן אױב ער װיל באקומען א לאמפ סאם פרײז אױסצאלונג אױפאמאל אדער די געמאלדענע אױסצאלונגען צעטײלט צו א צאל יארן.
Lotto, Mega Millions, Powerball, אדער Cash4Life - עס זענען פאראן צוויי דזשעקפאט אױסצאלונג אפציעס אויב דו געווינסט א דזשעקפאט פרייז פון סײ װעלכע פון די שפילן: אױסצאלונגען צעטײלט צו א צאל יארן אדער א לאמפ סאם קעש װערד. נישט קײן חילוק אױב דו װעלסט אױס לאמפּ סאם אדער יערליכע אױסצאלונגען, װערן אלע אױסצאלונגען געמאכט דורך דירעקטע דעפאזיט טראנספער צװײ אדער דרײ ביזנעס טעג נאך די אױסגעפעלטע פרעסע פארקומעניש.
"פאר לײף" פרייזעס קענען געצאלט װערן יערליך אדער אלס אן איינמאליגע אױסצאלונג, געװאנדן לױט דעם וויאזױ דו װעלסט אױס צו באקומען דיין פרייז. ווען דו קומסט אפצונעמען דיין טיקעט, װעט מען דורכשמועסן דיינע אפציעס.
אײנמאל דיין פרייז קלעים װערט באשטעטיגט דורך די לאטערי, און די פרעסע און קאמיוניטי באציאונגען אפיס מאכט פארטיג דיין מידיא מעלדונג, װעט דיין לאמפ סאם אדער די ערשטע אױסצאלונג עלעקטראניש אריבערגעפירט אין די באנק אקאונט װאס דו האסט אױסגעװעלט. מיר וועלן דיר אלעס ערקלערן װען דו נעמסט ערשט אפ דײן פרײז!
יעדע Scratch-Off שפיל האט פיטשורס װאס העלפן אידענטיפיצירן אױב עס איז א געװינענדע טיקעט. אין צוגאב צו די נומער און/אדער סימבאלן װאס װערן גענוצט פאר געים שפיל, האט יעדער א קעפל װאס איז געדרוקט אונטער דעם מיט אדער די ספעלינג פון די נומער אדער א קירצונג פון די נומער. די נומער און די קעפל מוזן זײן די זעלבע צו אידענטיפיצירן א געװינענדע טיקעט און די וואלידעישאן קאודס אויפ'ן טיקעט מוזן זײן די זעלבע װי די לאטערי'ס קאמפיוטער רעקארדס פאר די שפיל. דו קענסט אויך נעמען דיין Scratch-Off שפיל צו א פארקױפער אדער סקענען עס מיט דײן מאבײל עפ צו באשטעטיגן זיין סטאטוס.
אלע לאטערי טיקעטס זענען דאקומענטן װאס בארעכטיגן דיך צו אײגנטום רעכטן, ד.ה. אז די טיקעטס זענען אזױ ווי װאלוטע. אויב דו פארלירסט דיין טיקעט און עס שטײט נישט דײן אונטערשריפט דעראויף, קען יעדער אײנער נוצן דעם טיקעט כדי אפצונעמען א פרייז. אויב דו פארלירסט דיין טיקעט, ביטע פארבינד זיך מיט א קאסטומער סערוויס צענטער. מאך זיכער אז דו שרײבסט זאפארט אונטער די אנדערע זײט פון דײנע טיקעטס.